Додека повеќе медиуми известуваат за акција на МВР во која се вршат претреси и апсења на повеќе локации во Скопје, гостин во емисијата Клик Плус на ТВ21 во живо беше министерот за внатрешни работи Оливер Спасовски.
На прашањето од водителот министерот за внатрешни работи Оливер Спасовски во „Клик Плус“ на ТВ21 околу информациите дека вечерва се случуваат претреси и апсења во околината на Арачиново рече- Се што има благовремено ќе биде информирана јавноста, и очекувајте и ако било што има или имало ќе биде информирана јавноста, меѓутоа не очекувајте дека акциите ќе ги правиме преку тв камери и екрани, потенцираше Спасовски.
Само за потсетување за време на владеењето на режимот, речиси сите поголеми акции на полицијата беа проследувани од страна на телевизиите и интернет медиумите. Тогашните провладини медиуми беа информирани на половина час или час пред акциите, за да ги спремат камерите и да се вклучат во живо, така беа извршени доста акции во кои беа апсени политичари, бизнисмени, граѓани… Денес тоа го нема. Полицијата ги спроведува акциите согласно своите надлежности, почитувајќи ја презумпцијата на невиност на осомничените.
фото, видео ТВ21
НАЈЧИТАНО НА ИНТЕРНЕТ...
