Дете со повреди и опекотини задржано на лекување во Штипската болница

На 02.12.2025 во 19:11 часот, во СВР Штип, 28-годишна жена од Штип пријавила дека кај своето двегодишно внуче од брат забележала повреди и опекотини на телото.

Детето е задржано на Детското одделение во Клиничката болница во Штип, каде му се укажува лекарска помош.

За настанот е известен надлежен јавен обвинител, а се преземаат мерки за целосно расчистување на случајот.