Во рамки на програмата за Реконструкција, рехабилитација и изградба на локални улици и патишта интензивно се работи на подобрување на патната инфраструктура во општина Илинден.
Во таа насока, извршена е целосна, санација и асфалтирање на улица „540“ во Марино во вкупна должина од околу 250 метри.
Според градоначалникот на Општина Илинден, Александар Георгиевски, асфалтирањето на оваа улица е реализација на едно од барањата на граѓаните во Марино . Во наредниот период ќе се продолжи со реконструкција и санација и на други улици кои се дел од барањата и потребите на граѓаните на општина Илинден во насока на подобрување на секојдневието и подобрување на патната инфраструктура, зголемување на безбедноста во сообраќајот.
Финансиските средства се целосно обезбедени од буџетот на Општина Илинден, а со реализација на овој проект ќе се подобри патната инфраструктура на општина Илинден.
НАЈЧИТАНО НА ИНТЕРНЕТ...
