Тајванската инфлуенсерка и музичарка Лиз Лин Руоју, која имаше повеќе од 144.000 следбеници на Инстаграм, почина на 36-годишна возраст.
Веста за нејзината смрт ја објави во недела нејзиниот сопруг, кој сподели трогателна порака во нејзина чест на социјалните мрежи.
„Лиз отсекогаш беше девојка со насмевка, сонце и љубов. Иако нè напушти тивко, убавината и љубовта што ги остави зад себе ќе останат со нас засекогаш“, напиша тој.
Причината за смртта на познатата инфлуенсерка сè уште не е откриена. Лиз зад себе остава сопруг и мал син.
