Силен земјотрес со магнитуда од 7,3 степени го погоди брегот на Алјаска во среда, а властите издадоа предупредување за цунами, иако не се очекуваа поголеми штети.
Епицентарот на земјотресот беше во Тихиот Океан, 87 километри јужно од Сенд Поинт, мало село на полуостровот Алјаска, соопшти Американскиот геолошки завод (USGS).
Предупредувањето за цунами опфати голема, ретко населена и претежно дива крајбрежна област на југозападна Алјаска, повеќе од 1.100 километри. Зоната на предупредување заврши непосредно пред Анкориџ, најнаселениот град во државата.
„Ризикот од жртви и штети е мал“, се вели во соопштението на USGS.
Предупредувањето за цунами беше укинато помалку од два часа подоцна.
НАЈЧИТАНО НА ИНТЕРНЕТ...
