Земјотрес со јачина од 5,8 степени според Рихтеровата скала го погоди медитеранскиот брег на Турција, односно градот Мармарис, објави синоќа Турската агенција за управување со катастрофи и вонредни состојби (AFAD), едно 14-годишно дете починало поради напад на паника, а 69 се повредени.
Турскиот министер за внатрешни работи Али Јерликаџа објави дека 14-годишното дете било однесено во болница поради напад на паника, и починало.
Во соопштението се наведува дека епицентарот на земјотресот бил во Средоземното Море на длабочина од 67,91 километри и дека се случил во 02:17 часот наутро, како и дека бил почувствуван во соседните региони, вклучувајќи го и грчкиот остров Родос, објави турската телевизиска станица НТВ.
Гувернерот на Мармарис, Идрис Акбиџик, изјави дека луѓето се претежно повредени додека скокале од прозорци или балкони во паника, но дека нема веднаш извештаи за поголема штета./Извор:Makfax
ПОПУЛАРНО НА ИНТЕРНЕТ...
