Американскиот претседател Доналд Трамп во интервју за Newsmax сугерира дека Русија го одложува склучувањето на договорот за прекин на огнот во Украина. Одговарајќи на новинарско прашање, американскиот претседател рече дека е можно рускиот претседател Владимир Путин да одолжува. „Не знам. Мислам, ќе ве известам во одреден момент. Но, мислам дека Русија сака да види крај на војната, но можно е тие да одолжуваат“.
Според Трамп, тој самиот прибегнал кон такви тактики во бизнисот. „Го правам тоа со години, знаете, не сакам да потпишам, сакам да останам во играта, но можеби не сакам да го направам тоа, навистина. Не сум сигурен“, рече тој.
„Но, не“, додаде тој. „Мислам дека Русија би сакала да види крај на тоа и мислам дека украинскиот претседател Зеленски би сакал да види крај на тоа во овој момент“.
Трамп рече дека двете страни губат во просек по 2.500 војници неделно.
„Тие не се Американци, но тоа не ми е важно, од таа гледна точка. Гледам фотографии од бојното поле; повеќе би сакал да не го ни погледнам. Имаме раце и нозе и глави на целото бојно поле. Оружјето е лудо. Сега тоа е голема работа со беспилотните летала. И јас само сакам да престане“, рече американскиот претседател.
Во вторникот, на 25 март, во главниот град на Саудиска Арабија, Ријад, американската и украинската делегација одржаа нова средба по украинско-американските преговори на 23 март и американско-руските преговори на 24 март./Извор:Makfax
