Со пристигнувањето на потоплите денови, активноста на змиите значително се зголемува, особено во руралните и периферните градски подрачја. Како студенокрвни животни, змиите бараат топли места за сончање, но исто така и засолништа каде што можат да се сокријат од жештината. Затоа, дворовите со висока трева, расфрлан материјал и влага стануваат идеални локации за нивно засолнување.
Како да спречите змии во дворот?
- Одржувајте ја тревата кратка – Високата трева е одлично скривалиште за змии, па редовното косење и расчистување ќе ги одврати од вашето двориште.
- Отстранете непотребен отпад – Дрвја, камења, греди, гуми и друг градежен материјал кој долго стои во дворот може да стане скривалиште за змии.
- Избегнувајте влага и бари – Змиите често бараат влага, па затоа е важно да немате застоена вода или неискористени садови кои собираат дождовница.
- оставете заштитна ограда – Ако живеете во област каде што има змии, поставување фина жичана мрежа околу дворот може да помогне во нивно одвраќање.
- Користете природни репеленти – Мирисите на сулфур, нафталин или мешавина од каранфилче и цимет се познати по тоа што ги одбиваат змиите. Може да ги распрскате околу дворот или на влезните точки.
- Внимавајте на глодарите – Ако има стаорци и глувци во дворот, тие можат да бидат примамливи за змиите, па затоа контролирањето на популацијата на глодари ќе ја намали можноста за појава на змии.
Во случај да забележите змија во дворот, важно е да не ја провоцирате. Наместо тоа, повикајте стручни служби кои ќе ја отстранат безбедно и без ризик.
Со преземање на овие превентивни мерки, ќе можете да уживате во летните денови без несакани средби со овие рептили.
