На 20 октомври 2024 година, во 20.00 часот, во Полициската станица Струмица било пријавено дека на магистралниот пат Струмица – Ново Село, во село Дабиле, се случила сообраќајна несреќа. Во инцидентот учествувале патничко возило „Форд“ со струмички регистарски ознаки и патничко возило „Опел“ со скопски регистарски ознаки. Во несреќата тешки телесни повреди добила сопатничка од возилото „Опел“, која била пренесена и згрижена во Медицинскиот центар Струмица. Увид на местото на настанот извршила екипа на Полициската станица Струмица.