Во текот на вчерашната ноќ, екипите на ЈП Комунална хигиена-Скопје подигнаа и транспортираа приближно 70 кубни метри отпад од неколку диви депонии лоцирани во скопската општина Бутел.
Интервенирано е во населбата Скопје-Север, на улиците: Тале Христов, Лазо Москов, Костурска, Гоце Стојчевски и Боро Менков. Во рамките на активностите на сите посочени локации се отстранети обемни количества непрописно одложен кабаст, градежен, градинарски и мешан комунален отпад.
Воедно, екипите на Претпријатието во текот на вчерашниот ден подигнаа и 20 кубни метри отпад од картонска амбалажа, градежен и кабаст отпад одложени на јавна површина на Кејот „13 Ноември“, во строгиот центар на градот.
