Маж изврши семеен масакр, во две различни куќи, утрово во Нуоро, Италија, а потоа си го одзеде животот. Според првичните информации билансот е тројца загинати и четворица повредени.
Напаѓачот бил 45-годишен работник во шумско претпријатие од Сардинија кој ги убил сопругата и неговата 25-годишна ќерка, а ранил уште две деца (на 13 и 14 години), како и еден сосед. Соседот е сопственик и на станот во кој живеело семејството.
Ја застрелал мајка си во глава, па си пресудил
Мажот потоа отишол во куќата на неговата мајка, каде и пукал во главата. Според информациите, жената се уште се бори за живот. После тоа извршил самоубиство.
Провинциските команданти на карабинерите и полициската станица во Нуор моментално го истражуваат масакрот, работејќи на детална реконструкција на динамиката на настанот и можниот мотив зад убиствата.
Улиците каде се случи масакрот беа затворени од полицијата, а на местото на настанот беа и дежурниот обвинител и патологот.
