Традиционално силните и пријателски односи меѓу Република Северна Македонија и Република Турција беа потврдени денеска на средбата меѓу министерот за европски прашања Орхан Муртезани и амбасадорот на Турција во Северна Македонија, Фатих Улусој.
На состанокот се потенцираше одличната билатерална проектна соработка што се одвива преку Турската агенција за соработка и координација (ТИКА), која што има широк спектар на активности и обезбедува континуирана поддршка во социјално-економскиот развој на нашата земја преку многубројните реализирани проекти, значајни поради нивната флексибилност и ориентираност кон резултати во областите на образованието, здравството, административната и социјалната инфраструктура, транспортот и земјоделството.
Соговорниците ја реафирмираа подготвеноста за продлабочување на оваа соработка од двете страни, надградувајќи ја цврстата основа на меѓусебното почитување што ги дефинира односите меѓу Северна Македонија и Турција.
НАЈЧИТАНО НА ИНТЕРНЕТ...
