Пиеме кафе за да се разбудиме, кога правиме муабет со пријателите, кога излегуваме во град, на работа и во разни други ситуации. Но, преголемиот внес на кофеин може да има штетно влијание врз здравјето, бидејќи создава нервоза и го забрзува отчукувањата на срцето. Во тешки случаи, прекумерното внесување на кофеин може да доведе до состојба позната како труење со кофеин.
Симптоми на труење со кофеин
Труењето со кофеин се јавува кога има претерано високо ниво на кофеин во телото, што се рефлектира во низа непријатни и потенцијално опасни симптоми, вклучително и тешкотии со дишењето. Евидентирани симптоми на труење со кофеин се: нервоза, халуцинации, мигрена, церебрален оток и напади, отежнато дишење, пишува Најжена.рс.
Колку кафе е премногу?
Препораката за здрави возрасни е да не консумираат повеќе од 400 милиграми кофеин дневно, што е околу четири до пет шолји кафе. Малку поголема количина од ова може да доведе до раздразливост, вели нутриционистот Ерин Палински Вејд, а пренесува Си-Ен-Ен.
Сепак, посериозни ефекти обично се јавуваат кога едно лице консумира околу 1.200 милиграми кофеин, што е приближно 12 шолји кафе. Иако ретко, труењето со кофеин потенцијално може да биде фатално, иако поголемиот дел од пријавените смртни случаи се поврзани со апчиња за пиење кои содржат големи количини на кофеин.
