Денеска (16.01.2024) Секторот за внатрешни работи Струмица до Основното јавно обвинителство Струмица поднесе кривична пријава против лице (30) од село Трпејца, општина Охрид и лице (39) од Радовиш, поради постоење на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“, по член 215 од Кривичниот закон.
На 15.01.2024 година во 23.50 часот во дворно место на хотел во Струмица од страна на полициски службеници од СВР Струмица бил извршен преглед над осомничените, при што кај едното лице биле пронајдени две, а кај другото лице едно ќесе со кокаин.
Лицата биле лишени од слобода и задржани во Полициската станица Струмица, а за настанот бил запознаен Јавен обвинител од Основното јавно обвинителство Струмица.
Денеска (16.01.2024 година) полициски службеници од Одделението за внатрешни работи Радовиш, постапувајќи по судска наредба, извршиле претрес во домот во кој престојува лицето во Радовиш, при што била пронајдена дигитална вага со остатоци од бела прашкаста материја.
Лицата се изведени пред Судија на претходна постапка од Основен суд Струмица.
