Во петокот беа отворени понудите на тендерот за универзален снабдувач, што го распиша Владата. На тендерот пристигнаа 3 понуди, односно ЕВН Македонија во конзорциум со ЕВН електро снабдување понудија маржа од 11,4 %, а истата понудена маржа пристигна и од ЕСМ продажба, додека конзорциумот составен од грчката ЕДС и Ман Интертрејд понудија 11,45 % маржа. Сега Владата треба да ги разгледа понудите и да процени дали сите ги исполнуваат условите од тендерот, на кој се бараше компанијата или конзорциумот да има остварено позитивни финансиски резултати во последните три години, работен капитал до 40 милиони евра и инструменти за плаќање кон операторите на системот и учесници на пазарот на електрична енергија.
Компанијата ЕДС која настапува во конзорциум со Пан Интертрејд, фирма за која медиумите изнесоа некои информации (погледнете тука)
Компанијата ЕДС е основана од грчката државна енергетска компанија ППЦ која го пропушти договорот за Чебрен.
Од Пан Интертрејд во демантот испратен до медиумите обвинуваат за суптилен притисок врз комисијата за избор на универзален снабдувач и велат дека повеќе години работи успешно на македонскиот пазар, и се соочуваме со нееднакви услови. Покрај другото тие велат дека нивната компанија нема никаква поврзаност со компанијата од Србија која беше спомната во некои медиуми.
Која од компаниите ќе биде избрана за универзален снабдувач на над 800.000 домаќинства ќе се знае на аукцијата на која учениците ќе понудат крајна маржа.
