„Мислам дека голем дел од луѓето разбираат кој го упропасти Скопје, дека може да се оградува многу ВМРО-ДПМНЕ од своите политики и кандидати во градот Скопје меѓутоа на сите им е јасно чив кандидат беше градоначалничката“ рече вицепремиерот Бојан Маричиќ во „Студио 10“ на ТВ24.
Тој додаде дека и во скопските општини и во поголемите градови низ државата каде што градоначалници има ВМРО-ДПМНЕ буквално ништо не е поместено, а половина од мандатот веќе помина.
„Единствените работи кои се направени се финансирани од Владата и поддржани финансиски од Владата во тие општини. Зошто се поскапени многукратно трошоците за сите оние такси кои ги земаат општините?“ рече Маричиќ.
Вицепремиерот додаде дека луѓето разбираат оти ВМРО-ДПМНЕ нема никаков перформанс таму каде што има прилика да владее.
„Тоа ни дава шанса да покажеме дека со сите грешки и со сите пропусти кои секако дека ниедна власт не е идеална и безгрешна ние сме подобрата опција која може на оваа држава да и понуди подобра иднина, да и понуди исправање на некои неправди, работи и подобрување на перформансот на некои институции“ рече Маричиќ.
