Добро познат факт е дека прекумерното консумирање алкохол може да нè изложи на ризик од заболување на црниот дроб и рак на црниот дроб, но она што е уште позагрижувачко е дека постои вообичаена навика која може значително да го оштети и црниот дроб.
Заболувањето на замастен црн дроб е се почеста појава.
Заболувањето на замастен црн дроб е водечка причина за хронично заболување на црниот дроб, цироза и рак на црниот дроб и важен фактор на ризик за дијабетес тип 2 и кардиоваскуларни болести. Тоа воопшто не мора да биде предизвикано од консумирање алкохол.
„Нездравата исхрана е најлоша за црниот дроб. Диетата со висок процент на заситени масти и едноставни јаглехидрати и зголемен внес на алкохол се навиките кои најчесто предизвикуваат оштетување на црниот дроб“, вели докторот.
Високиот внес на фруктоза може да предизвика заболување на замастен црн дроб, оштетувајќи ја цревната бариера. Лекарите истакнуваат дека прекумерното консумирање на пијалоци засладени со шеќер може да доведе до таложење на маснотии во црниот дроб, што го зголемува ризикот од заболување на замастен црн дроб.
„Ова се случува кога висцералните маснотии влегуваат во црниот дроб и зафаќаат повеќе од 5 проценти од неговата маса. Со текот на времето, ова може да премине во хронично воспаление и лузни“, објасни таа.
Заболувањето на замастен црн дроб обично е асимптоматско додека не напредува. Симптомите на напредната болест на црниот дроб и цироза вклучуваат жолтица, абдоминална болка и оток, отекување на нозете и глуждовите, хроничен замор, темна урина, губење на апетит, гадење, повраќање, конфузија, поспаност и нејасен говор.
Ако сакате да го одржувате вашиот црн дроб здрав, држете се настрана од алкохол, преработена храна и пијалоци засладени со шеќер. Неколку студии покажуваат дека за целокупното здравје најздраво е да се следи медитеранската исхрана, која седма година по ред е прогласена за најдобра во светот.
