Социјалдемократскиот сојуз на Македонија деновиве организираше повеќе едукативни трибини за подигање на свеста, соодветна информираност и знаење во заедничката борба за подобро женско и машко здравје.
Под слоганот „Не чекај, превенирај!“, СДСМ организираше трибини во Струмица, Скопје, Прилеп, Гевгелија, Велес и Кичево.
-Навремените прегледи и превенцијата се клучни за здравствената состојба на секој поединец. Да ја подигнеме свеста кај граѓаните и да им помогнеме да го зачуваат нивното здравјето, бидејќи тоа е најголемото богатство. СДСМ и понатаму активно продолжува со вакви трибини и со грижа за граѓаните. Не чекај, превенирај! – објавија од партијата на социјалните мрежи.
На трибините со свои обраќања придонес дадоа врвни доктори, професори и специјалисти, а еден од нив беше и поранешниот министер за здравство Венко Филипче.
Одговори на сите важни прашања за здравјето на секој човек, со стручни совети и соодветни насоки даваа докажани експерти, медицински лица, врвни македонски доктори, професори и специјалисти од различни области.
Покрај медицински лица, на трибините присутни беа и политичарите, а во Струмица гостин беше и поранешниот премиер Зоран Заев.
На трибините се забележува и големо присуство на граѓаните, според фотографиите објавени на официланата Фејсбук страница на СДСМ, салите беа исполнети до последното столче.
Фото: СДСМ/Фејсбук
НАЈЧИТАНО НА ИНТЕРНЕТ...
