Дезинформација е дека германската фирма ДМ го суспендира македонскиот јазик од своите продавници во Македонија

Порталот Expres.mk објави класична дезинформација дека наводно во Струга германската фирма ДМ го суспендирала македонскиот јазик од производите и има декларации само на албански.

Меѓутоа, дали од брзање „заборавија“ да го исечат делот каде што јасно стои декларација на македонски јазик.

Но, ова е веќе добро разработена шема на пропагандната машинерија. Прво се објавува „вест“ во некој портал, а потоа се споделува само насловот на социјалните мрежи.

Случајно или не, оваа дезинформација за наводно „суспендирање на македонскиот јазик од декларациите“ е темпирана во исто време додека траеше расправата во Собранието за уставните измени на Комисијата за уставни прашања.

Мониторинг тим на ЦИВИЛ