Топлотниот удар е најсериозната болест поврзана со топлото време и бара итна медицинска помош.
Некои од симптомите, како што се висока телесна температура, прекумерно потење и главоболка, се сосема познати. Но, постојат неколку знаци кои се малку поневообичаени, вклучувајќи немир, раздразливост и нејасен говор. Ваквото однесување може да значи дека лицето треба да оди на лекар што е можно поскоро.
Кои се симптомите?
Најчестите симптоми на топлотен удар на кои треба да внимавате се:
– многу висока телесна температура (над 40°C)
– изменета ментална состојба
– збунетост
– нејасен говор
– замор
– губење на свеста
– топла, сува кожа или обилно потење
– гадење и повраќање
– напади
– забрзано дишење
– забрзано чукање на срцето
– главоболка.
Кој е најмногу изложен на ризик?
За да ја намалите температурата, треба да се преселите на поладно место, да ја отстраните сета непотребна облека, како чорапи, да пиете вода или пијалок за рехидратација и да ја оладите кожата со ладни облоги.
Оние над 65 години или со постоечки здравствени проблеми, вклучувајќи проблеми со дишењето и срцето, се најмногу изложени на ризик од топлотен удар. За да се заштитите, пијте повеќе течности, носете светла, лесна облека и избегнувајте да бидете на сонце помеѓу 10 и 17 часот. Исто така, се препорачува да се избегнува прекумерно консумирање алкохол и екстремно вежбање.
