Скопје, 21 јуни 2023 година – Вчера, во просториите на Europe House Скопје, се одржа успешна панел-дискусија на тема „Ракот на кожата може да се види и, доколку рано се забележи, може успешно да се лекува“, како дел од кампањата за подигнување на јавната свест за превенција и рано откривање меланом и други карциноми на кожата.
Настанот е дел од серијата дебати посветени на актуелни теми од здравството, кои Europe House Скопје ги организира во партнерство со Клубот на млади лекари и со учество на Асоцијацијата на специјализанти и млади доктори и Здружението на студенти по медицина, а под покровителство на сопругата на Претседателот на Северна Македонија и амбасадорот на Европската Унија.
Како учесници во дискусијата беа г-ѓа Елизабета Ѓоргиевска, сопругата на Претседателот на Северна Македонија, Дејвид Гир, амбасадор на Европската унија во Република Северна Македонија, д-р Зорица Зафировиќ, Филип Николовски и Љупка Николовска. Учесниците дискутираа околу важноста на раното откривање и превенција на рак на кожата, со посебен акцент на меланомот. Исто така, беа нагласени значајните чекори што секоја личност може да ги преземе за да ги заштити својата кожа и своето здравје.
Настанот заврши со низа дерматолошки прегледи за присутните на дебатата и за граѓаните. Пријавените граѓани имаа можност да добијат вредни совети за правилна грижа и заштита на кожата. Коментарите од учесниците и посетителите беа изразито позитивни, со многу пофалби за организацијата на настанот и значајните информации што беа споделени.
EUROPE HOUSE се заблагодарува на сите присутни за учеството и се надева дека настанот ќе има долготраен ефект во подигањето на свеста за ракот на кожата и важноста на рано откривање и превенција.
