Денеска и утре повторно ќе имаат можност граѓаните да ги презентираат своите гледишта, да предложат по некој проект кој што ќе биде дел од проектите кои што ќе се реализираат во општините ширум Македонија, така и овде во Аеродром, изјави денеска претседателот на ВМРО-ДПМНЕ, Христијан Мицкоски.
Тој додаде дека тука има навистина амбициозен тим во општината и покрај тоа што немаше никакви проекти изминатата година буквално од почеток се проектираше и можеме да кажеме дека еве веќе две градинки, доградба, надградба на две училишта, паркови, плоштади итн. ќе бидат дел од проектите кои што ќе бидат реализирани, вклучително и делот од оние проекти кои што граѓаните преку овие отворени денови ќе ги предложат.
Мицкоски истакна дека ова е исклучително значаен момент за македонската демократија, првпат граѓаните директно да можат да го креираат буџетот на некоја од институциите. Повеќе од 800 проекти се пристигнати од страна на граѓаните преку директните средби и преку веб страницата budzet.mk. Значи повеќе од 800 проекти се резултат на оваа кампања „Биди дел од промените, иднина што носат“.
Мицкоски изјави дека ќе продолжат да иновираат и понатаму ќе работат во интерес на граѓаните.
