Денeс екипи на ЈП „Градски паркинг“ – Скопје, во соработка со екипи на ЈП „Паркови и зеленило“, ja уредуваат паркинг зона Д3, која се наоѓа позади ТЦ „Бисер“ во Аеродром.
Оваа акција редовно се спроведува секоја среда и опфаќа кастрење на дотраените исушени гранки од дрвјата, како и подкастрување на гранките кои сметаат при паркирање на возилата, или евентуално би наштетиле на веќе паркирано возило.
Искастрените гранки се отстрануваат од паркиралиштето, со што се остава чист и уреден простор за движење и паркирање на возилата.
Соработката на двете претпријатија продолжува и понатаму со што се допринесува за чисти и безбедни јавни паркиралишта, односно подобри услови за корисниците на услугите на ЈП „Градски паркинг“- Скопје.
