Соопштение на СДСМ Аеродром:
За една година локална власт во Аеродром на ВМРО-ДПМНЕ, резултатот е сомнителни тендерски постапки за набавка на топол оброк и ужина во училиштата, нечистотија и хаос во општината, нема реализација на ниту еден сопствен проект, само довршување на стари проекти започнати од претходната локална власт и вдомување на партиски кадри во општинската администрација.
На партискиот панаѓур во организација на ВМРО-ДПМНЕ и шпицниот градоначалник Мицкоски, градоначалникот на Аеродром, Тимчо Муцунски се обиде да се пофали со проекти на претходната локална власт предводена од СДСМ, но не спомна ниту еден сопствен проект кој е во тек на релизација.
Граѓаните на Аеродром секојдневно се соочуваат со неисчистен шут и ниска хигиена во општината.
Муцунски продолжува само да најавува проекти што ќе ги реализирал во неговиот мандат, а веќе 1 година не работи ништо, освен што се служи со лаги, манипулации и евтина пропаганда карактеристична за ВМРО-ДПМНЕ, Муцунски не работи ништо друго.
Неговите дела во бројки се изразени вака: точно 0 нови велосипедски и пешачки патеки, 0 нови улици, 0 нови мостови, 0 нови кружни текови, 0 од ветените 3.000 нови паркинг места и 0 од ветените 100.000 метри квадратни ново зеленило и уште многу 0 реализирани проекти.
Градоначалникот Муцунски наместо да учествува на партиски панаѓури за да ги задоволува личните хирови на шпицниот градоначалник Мицкоски, треба да се фати за работа и да ги исполни големите ветувања дадени пред граѓаните на Аеродром, за што пред една година тие му ја дадоа довербата.
