Министерството за внатрешни работи во текот на вчерашниот ден (19.10.2022) продолжи со засилените акциски контроли во областа на сообраќајот.
На територија на град Скопје изречени се вкупно 187 мерки, меѓу кои за возење повеќе од дозволеното 26 санкции, 14 мерки за возење без возачка дозвола, 10 санкции за технички неисправни возила во јавниот превоз.
Изречени се девет мерки за користење мобилен телефон при возење, шест санкции за прекршоци што ги прават возачите на мотоцикли, шест мерки за некористење сигурносен појас, шест санкции за минување на затворен сигнал (црвено светло), пет мерки за возач почетник, пет санкции за возење под дејство на алкохол…
Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта
НАЈЧИТАНО НА ИНТЕРНЕТ...
