„Претседателот на СДСМ, Димитар Ковачевски, во своето учество на првиот состанок на Европската политичка заедница оствари многубројни средби со европски лидери и високи претставници на ЕУ со цел да ја зајакне меѓународната позиција на државата и да го реафирмира нашиот европски пат. Ковачевски продолжува со напорите заедно со нашите пријатели и сојузници да обезбеди доволно енергенти и електрична енергија за претстојната зима, која ќе биде една од најтешките во Европа по Втората светска војна“, соопштуваат од СДСМ.
Од партијата со став: „Христијан Мицкоски заедно со свјот единствен поддржувач, Димитар Апасиев, останува на спротивната страна од интересите на граѓаните“.
„Додека Ковачевски и Владата преземаат конкретни чекори за побрзо надминување на последиците од кризата, Мицкоски дејствува единствено за личните и интересите на одредена бизнис-група во ВМРО-ДПМНЕ. Тоа е разликата помеѓу одговорниот државнички однос на Ковачевски и СДСМ и деструктивноста и неодговорноста на Мицкоски и ВМРО-ДПМНЕ“, велат од СДСМ.
