Заменичката на претседателот на Владата задолжена за политики за добро владеење, Славица Грковска, денеска се сретна со шефот на Мисијата на ОБСЕ во Скопје, амбасадорот Клеменс Која, кому му завршува работниот мандат во земјата.
На средбата вицепремиерката Грковска му се заблагодари на амбасадорот Која за поддршката и одличната соработка на Мисијата на ОБСЕ во Скопје, особено во делот на искуствата и експертизата што како држава ја добиваме од Oрганизацијата при креирање на антикорупциските политики, интегритетот и доброто владеење. Изрази уверување дека таа ќе продолжи да се развива во континуитет и со новоименуваниот амбасадор.
Грковска и Која разговараа и за следните чекори и активности во контекст на нашето претседавање со Организацијата во 2023 година.
Од страна на амбасадорот Клеменс Која беше нагласено дека Мисијата на ОБСЕ во Скопје ќе продолжи да соработува со институциите во спроведувањето на реформските процеси.
НАЈЧИТАНО НА ИНТЕРНЕТ...
