Комисијата за заразни болести утре точно напладне ќе одржи состанок на кој ќе се дискутира за моменталната епидемиолошка состојба во државата.
Комисијата за заразни болести на последната седница не донесе дополнителни рестриктивни мерки. На тој состанок, Комисијата апелираше до граѓаните да внимаваат на сопственото здравје, да избегнуваат посети во затворени и непроветрени простории, освен кога тоа е неодложно. Во такви случаи се препорачува носење заштитна маска и одржување дистанца.
Изминативе денови се регистрираат голем број на новозаразени на дневна основа.
Само денеска беа регистрирани 792 нови случаи на ковид. Според бројот на тестирани, секој втор што правел тест бил заразен.
Дали ќе има нови мерки или препораки против заразата од Ковид засега нема информации.
