Пченица има повеќе од времето на ВМРО-ДПМНЕ кога немаше криза, граѓаните да бидат спокојни, порача на прес-конференција, Трајан Диковски – член на Комисија за земјоделие на СДСМ,
„Пченица има доволно и снабдувањето е во најдобар ред, а што е можеби и поважно домашното производство е зголемено. Тоа се должи на успешните земјоделски политики на СДСМ во изминатите години. Сите лажни вести и дезинформации на ВМРО-ДПМНЕ, преку кои се обидуваат да ја вознемируваат јавноста паднаа во вода. Во последните години не само што производството на пченица не е намалено, тоа е и значително зголемено во споредба со времето на ВМРО-ДПМНЕ кога немало криза“, рече Диковски.
Како што додаде, ако пред пет години, во 2017 година, домашното прозиводство на пченица било 195.888 тони, тоа во 2021 година изнесувало 253.674 тони.
Диковски смирува дека има доволно и месо, а Владата и надлежните институции предводени од СДСМ преземаат мерки за унапредување на домашното производство на месо. Во таа насока е и вчерашниот договор со претставници на здруженијата за дополнителна финансиска помош за одгледувачите на свињи, како и поддршка за сточарите, со што ќе се спречи поскапување на цената на месото.
