Министерството за внатрешни работи ги демантира информациите пласирани од страна на ВМРО-ДПМНЕ дека на Радоје Звицер, му бил издаден македонски пасош.
„Министерството за внатрешни работи најостро ги демантира дезинформациите пласирани од страна на ВМРО-ДПМНЕ дека на извесен Радоје Звицер, му бил издаден македонски пасош. Потсетуваме и дека случајот „двојник“ е расчистен и за тоа веќе се изречени и судски пресуди, а сите патни исправи поврзани со оваа истрага се поништени во управна постапка и истите не се валидни односно не можат да се користат.“, се наведува во демантот од МВР.
Реакцијата следи откако претходно опозициската ВМРО-ДПМНЕ, обвини дека министерот Оливер Спасовски и МВР му издале македонски пасош на Звицер кој сакал да изврши атентат врз српскиот претседател, Александар Вучиќ.
Звицер е еден од водачите на кавачкиот клан, кој се товари за организирање и нарачување на повеќе убиства на територијата на Црна Гора и други земји.
НАЈЧИТАНО НА ИНТЕРНЕТ...
