Три лица тешко повредени кога автомобил излетал од патот Кратово-Пробиштип

Синоќа во 19.30 часот во Полициската станица Пробиштип било пријавено дека на регионалниот пат Кратово-Пробиштип, во атар на с.Кундино, патничко моторно возило „опел астра“ со пробиштипски регистарски ознаки, управувано од Р.П.(30) од Пробиштип, излетало од патот.

Во несреќата со тешки телесни повреди се здобиле сопатничката Љ.П.(25) и уште една малолетна сопатничка, двете од Пробиштип, а со телесни повреди се здобил возачот, констатирани во Здравствен дом во Пробиштип.

Извршен бил увид на местото на настанот од увидна екипа од Полициската станица Пробиштип.