Кандидатката на ВМРО-ДПМНЕ, Наташа Котлар, во текот на целата кампања нудеше проекти за центарци кои се целосно неиздржани. Сепак, последното паушално ветување кое го даде вечерва на дебатата со Горан Герасимовски, ги надминува сите претходни.
Имено, Наташа Котлар без срам ветува градинка во објект во Капиштец во кој веќе има сместено Центар за поддршка на згрижувачки семејства во едниот дел и МКФ комисија во другиот дел. Дали Котлар планира да го исели центарот за згрижувачки семејства?
Котлар покажува елементарно непознавање при ветувањата на тоа кои се можностите за изградба на градинки во Општина Центар, а нема ни конкретен план за тоа.
На прашање на новинарката не можеше да се сети и наброи во кои населби ветила четири градинки. На Центар не му е потребен човек кој нема допир со реалноста и проблемите на граѓаните.
Горан Герасимовски има конкретни решенија и прецизен план за клучните проблеми на центарци во делот на урбанизацијата, подигнување на нивото на хигиената во општината и обезбедување на доволно и гарантирани паркинг места за граѓаните. Во дебатата Герасимовски со рокови ја образложи изградбата на две планирани градинки во Маџир маало и населба „Пролет“ како и проширување на капацитетите во останатите објекти.
