Дека набргу ќе стигнат вакцините, граѓаните слушаат секој ден, реагираат од опозициската ВМРО-ДПМНЕ.
„И додека Венко Филипче и Зоран Заев велат дека ако е вратен авансот за кинеските вакцини, бројката на заразени се зголемува. Филипче и Заев уште велат ако е вратен авансот, сепак вакцините ќе стигнат набргу. Но, што значи тоа набргу? Ништо! Во оваа ситуација во Македонија едно е јасно – вакцини нема“, велат од ВМРО-ДПМНЕ.
Од оваа партија додаваат дека Филипче и Заев не само што покажаа туку и докажаа дека не се способни и дека не се заинтересирани за набавка на вакцини.
„Филипче и Заев тераа одмор минатата година во август додека сите преговараа и договараа вакцини за годинава. За вакцини ‘ќе има набргу’, а ги нема, иако сите земји вакцинираат од декември минатата година, одговорност мора да има“, потенцираат од ВМРО-ДПМНЕ.
