Сообраќајот на државните патишта се одвива во зимски услови по наместа влажни коловози, а на некои места има и остатоци од кашест снег на коловозот. Поради ниските утрински температури, можна е појава на голомразица.
Во целосен прекин е сообраќајот на патот меѓу селата Ранковце и Герман, а на неколку други патни правци има забрана за движење тешки товарни возила.
Авто-мото сојузот на Македонија утринава информира дека на патниот правец Тетово – Попова Шапка има забрана за сообраќај за тешки товарни возила и автобуси, на крак Маврово – Дебар има забрана за сообраќај само за камиони со приколка, а од Дебар кон Струга има забрана за тешки товарни возила.
Од АМСМ препорачуваат приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
