Апсолутно, јас лично поддржувам декриминализација на канабисот за лична употреба, но сметам дека треба да се дискутира, треба строго да се регулира, меѓутоа, лично го поддржувам тој процес. Ова го кажа министерот за здравство, Венко Филипче, во вечерашната дебата на „360 степени“ на тема декриминализација на канабисот и кој модел би можел да функционира во Македонија, јавува 360степени.мк.
„Подготвени сме да отвориме една многу широка дебата во општеството во која што ќе учествуваат сите чинители. Подготвени сме да ги слушнеме идеите на граѓанските организации, здруженијата на пациенти, да видиме кои процеси треба да ги преземеме. тука Министерството за здравство не е само, тука има и други институции на државата како Министерството за правда, Министерството за внатрешни работи“,
рече Филипче.
Филипче рече дека во моментов во рамките на ингеренциите на Министерството за здравство согласно Законот за опојни дроги е издавањето лиценци за одгледувањето на канабис за медицински цели. Досега издадени се 60-тина лиценци на компании кои направиле инвестиција со вработување на млади кадри, експерти од областа на фармацијата, агрикултура итн.
„Во овој момент Законот предвидува препишување на канабис за медицинска употреба согласно концентраицјата на ТХЦ, и тоа е во рацете на повеќе лекари-специјалисти во делот на онкологијата, инфективната медицина, неврологијата согласно експертизата, болестите за која е индициран употребата на канабисот. Уште минатата година поднесовме измени до Собранието на сегашниот Закон за опојни дроги, за жал таа измена сè уште не помината. Таа измена е во извозот на цветот од канабис со цел да може да биде извезен“, рече Филипче.
извор 360 степени
НАЈЧИТАНО НА ИНТЕРНЕТ...
