Трагедија: Познат идентитетот на мажот, кој беше најден мртов со прострелна рана во градите во својот дом во Кичево

На 26.01.2020 околу 08.00 часот во Полициската станица Кичево било пријавено дека во семејниот дом на ул.„Стојан Сандески“ во Кичево, С.А.(50) од Кичево бил пронајден починат, со прострелна рана во пределот на градите.

Увид на местото на настанот извршила увидна екипа од Полициска станица Кичево, при што до починатиот пронајден бил ловечки карабин „чешка зброевка“ кал.7,62мм и една испукана чаура.

По наредба на Јавен обвинител, извршена е обдукција на телото на починатиот, при што констатирано е дека С.А. починал како последица на испукан патрон при ракување со оружјето, по што телото на починатиот е предадено на семејството.