На 17.11.2026 во 15:30 часот на магистралниот пат Радовиш–Струмица, на крстосницата за с. Дукатино, полициски службеници од СВР Струмица – ОВР Радовиш лишија од слобода 74-годишен жител на Радовиш.
При контрола во патниот сообраќај, полициските службеници сопреле товарно возило „фиат“ со штипски регистарски ознаки, кое го управувал 74-годишникот и по извршени проверки било констатирано дека го управувал возилото под дејство на алкохол, односно му биле измерени 2,18 промили алкохол во крвта.
За настанот е известен јавен обвинител од Основното јавно обвинителство Струмица, а по целосно документирање на случајот ќе биде поднесена соодветна пријава.


