На Универзитетската клиника за гинекологија и акушерство во Скопје се испитува инцидент во кој на новороденче му бил повреден прст при отстранување инфузија. Случајот предизвика реакции откако таткото на детето јавно ги опиша околностите во кои дознал за повредата.
Според неговото сведоштво, инцидентот се случил пред два дена, кога семејството се подготвувало да го земе бебето од болницата. Наместо да биде отпуштено, новороденчето било пренесено на детска хирургија, каде што била извршена медицинска интервенција.
Од Клиниката најавија дисциплинска постапка за утврдување на околностите и евентуалната професионална одговорност. Резултатите од постапката треба да покажат дали биле почитувани медицинските протоколи и како дошло до повредата.


