Centar.mk
-МАКЕДОНИЈА

“1,13 милијарди евра за увоз на храна, а нивите пусти!”

Соопштение на ДОМ:

Држава што не може самостојно да ги прехрани своите граѓани ја губи својата суштинска независност. Додека обработливото земјиште се топи – намалено за една четвртина за 35 години (од 664.000 на 504.000 хектари) – увозот на земјоделски и прехранбени производи лани достигна енормни 1,13 милијарди евра, што е речиси двојно повеќе од извозот (564 милиони евра). Истовремено, реалната вредност на домашното производство едвај и да се зголемила за 4,1 отсто во однос на 1992 година.

Симболот на македонското земјоделство, тетовскиот грав, е најдобар доказ за ваквиот колапс: приносите што некогаш достигнувале околу 120 килограми по декар, денес се сведени на едвај 10 до 20 килограми. Дополнително, системот за наводнување во Теарце, наменет за околу 150 земјоделци, иако е изграден, сè уште е заглавен во административни лавиринти и не е ставен во функција. Проблемот повеќе не е само во условите за работа, туку во институционалната неспособност јавните инвестиции да стигнат до оние за кои се наменети.

ДОМ бара итна промена на пристапот и долгорочна стратегија за прехранбена сигурност преку:

• строга заштита на плодното земјоделско земјиште од пренамена и уништување;
• директна поддршка за малите и семејните земјоделски стопанства;
• субвенции поврзани исклучиво со реално производство и мерливи резултати;
• итни инвестиции во наводнување, складирање, преработка и организиран пласман;
• јасна стратегија за климатска отпорност и поттикнување на локалната потрошувачка.

Храната не е обична стока што секогаш можеме да ја купиме однадвор. Држава што го запоставува сопственото производство станува ранлива на туѓи пазари и кризи. Затоа, земјоделството мора да биде стратешки приоритет, а не само формалност и статистика!

Можеби ќе ве интересира

Арсова: Со Предлог Буџетот за 2027 се зголемуваат средствата за клиничките центри во Скопје и Штип

ДЕСК

Јаневска на одбележувањето 80 години Фулбрајт програма: Академската размена гради трајни вредности, партнерства и меѓусебна доверба

ДЕСК

Шасивари од Манила: Насилството врз децата бара одговор што ги надминува државните граници

ДЕСК