Министрите за одбрана на земјите членки на Европската Унија и претставници на сојузничките држави денеска учествуваат на состаноци во Брисел посветени на безбедноста и продолжувањето на воената помош за Украина.
Во седиштето на НАТО се одржува состанокот на Контакт-групата за одбрана на Украина, организиран од Германија и Велика Британија. Меѓу главните теми се потребите на украинската армија, одбранбените капацитети и натамошното снабдување.
Паралелно, министрите за одбрана на ЕУ разговараат за европската поддршка, противвоздушната одбрана и поврзувањето на украинската одбранбена индустрија со европските капацитети.


