На 16.11.2026 во 00:40 часот на ул.„Илинденска“ во Гостивар, полициски службеници од Полициската станица за безбедност на патниот сообраќај Гостивар лишија од слобода 62-годишен жител на Гостивар. При контрола и увид на претходно случена сообраќајна незгода, во која учествувал со патничко возило „опел корса“, било констатирано дека го управува возилото без да поседува возачка дозвола, а при извршен алкотест било констатирано дека е под дејство на алкохол, односно му биле измерени 1,53 промили алкохол во крвта. Возилото е одземено, а лицето е задржано во полициска станица и по целосно документирање на случајот против него ќе биде поднесена кривична пријава.


