Граѓаните на Кабо Верде денеска гласаат на претседателски избори, на кои актуелниот претседател Жозе Марија Невеш се обидува да освои втор мандат. Против него се натпреваруваат пет кандидати, меѓу кои и поранешната министерка за правда Жоана Роза Амадо, првата жена кандидат за претседателската функција во земјата.
Гласањето започна во 08:00 часот по локално време, а избирачките места треба да бидат отворени десет часа. Невеш влегува во изборната трка како фаворит, додека неговата противкандидатка ја нагласува потребата од политичка рамнотежа и подобри перспективи за младите.
Доколку ниту еден кандидат не добие апсолутно мнозинство, втор круг ќе се одржи на 29 ноември. Меѓу најважните прашања за граѓаните се невработеноста кај младите, економските можности и иселувањето од островската држава.
