Два авиона се судриле на пистата за движење на Меѓународниот аеродром во Мајами, при што две лица се здобиле со полесни повреди. Инцидентот се случил во саботата вечерта по локално време, односно во раните утрински часови во неделата по македонско време.
Според американската Федерална администрација за воздухопловство, врвот на крилото на патнички Боинг 737 на авиокомпанијата Copa Airlines удрил во предниот дел на товарен Боинг 767 на UPS. Двата авиона се движеле по аеродромските патеки, а повредените добиле медицинска помош на местото на настанот, без потреба од болничко лекување.
FAA отвори истрага за околностите на судирот. Аеродромските власти соопштија дека останатиот сообраќај бил пренасочуван по други патеки, без целосен прекин на работењето на аеродромот.
