Глобален технички проблем во инфраструктурата на Microsoft предизвика потешкотии во користењето на дел од услугите Microsoft 365. Корисници и организации од повеќе региони пријавија проблеми со пристапот до електронската пошта Outlook, алатките за комуникација и дел од деловните сервиси.
Според техничките известувања, проблемот бил поврзан со оптоварување на инфраструктурата што ја обработува комуникацијата со серверите. Microsoft започнал повеќе интервенции, вклучително и пренасочување на сообраќајот и промени во конфигурацијата за подобрување на стабилноста.
Во текот на утрото компанијата пријави позитивни резултати од дел од мерките за обновување на сервисите, но во тој момент сè уште немаше потврда дека сите засегнати корисници добиле целосно стабилен пристап. Прекинот ги засегна компаниите и институциите што секојдневно се потпираат на дигиталните услуги на Microsoft.
