Повеќе од еден месец по изборите во Босна и Херцеговина, сè уште нема договор за формирање на новиот Совет на министри. Иако изборните резултати се познати, формалните коалициски разговори на државно ниво не се започнати, а потенцијалните партнери веќе поставуваат различни услови.
Меѓу отворените прашања се составот на извршната власт, распределбата на најважните министерства и статусот на странските судии во Уставниот суд. Лидерот на ХДЗ БиХ, Драган Човиќ, досега одржал одделни средби со Милорад Додик од СНСД и Бакир Изетбеговиќ од СДА.
Политичките разлики дополнително го усложнуваат формирањето на институциите, а продолжувањето на неизвесноста би можело да влијае и врз спроведувањето на реформите што се поврзани со европскиот пат на земјата.
