Политичкиот блок на израелскиот премиер Бенјамин Нетанјаху го претрпе првиот пораз при гласање во новиот состав на Кнесетот. Опозициските и арапските партии обезбедија 63 гласа за, наспроти 50 против, при одлучувањето за формирање на комитетот што ќе ја организира работата на парламентот. Според договорот меѓу партиите, на чело на комитетот треба да биде Рој Фолкман од партијата Јашар.
Резултатот ја покажува можноста опозициските партии да формираат мнозинство преку соработка со арапските пратенички групи. Ликуд на Нетанјаху остро го критикуваше ваквиот договор. Гласањето не значи дека е избрана нова влада, но претставува важен сигнал за распоредот на политичките сили по парламентарните избори од 27 октомври.
