Полициски службеници од ОВР Кавадарци постапувале по пријава за закани со ловечка пушка на местото викано „Витачево“, во кавадаречкиот регион.
На 9 ноември 2026 година во 20:55 часот, полицијата извршила службен разговор со 62-годишен жител на Кавадарци, откако претходно било пријавено дека со ловечка пушка му се заканувал на 50-годишен жител на селото Бегниште.
При полициското постапување биле пронајдени и одземени ловечката пушка и пиштол за светлосна и звучна сигнализација. За случајот бил известен јавен обвинител, а по целосното документирање на настанот ќе биде поднесена соодветна пријава.
