Четири лица биле лишени од слобода на регионалниот пат Блато–Дебар, откако полицијата при контрола на автомобил пронашла марихуана и предмети со остатоци од марихуана. Дополнително било утврдено дека возачот управувал со возилото иако имал активна забрана за управување.
На 9 ноември 2026 година, во 11:20 часот, полициски службеници од ОВР Дебар привеле 38-годишен жител на Кичево, 29-годишен скопјанец, како и две лица од Република Албанија, на возраст од 23 и 20 години. Четворицата се превезувале во патничко возило „сеат леон“ со скопски регистарски ознаки, во кое при контролата биле пронајдени и одземени марихуана и предмети со остатоци од марихуана.
По преземените мерки, полицијата утврдила дека 38-годишниот жител на Кичево, кој го управувал автомобилот, имал активна забрана за управување со патнички моторни возила. По целосното документирање на настанот, против лицата ќе биде поднесена соодветна пријава.
