Советот на јавните обвинители на 5 ноември едногласно ја именува Искра Хаџи-Василева за раководителка на Основното јавно обвинителство за гонење организиран криминал и корупција. Одлуката ќе почне да важи на 14 ноември.
Формалното именување следува по гласањето на јавните обвинители на 28 октомври. Хаџи-Василева тогаш доби 64 гласа, а нејзиниот противкандидат Ермон Пеливанов освои 57.
На 14 ноември истекува мандатот на досегашниот раководител Ислам Абази. Советот одлучи тој да продолжи со работа во Вишото јавно обвинителство во Гостивар, со примена на одлуката од истиот датум.
