Црногорската министерка за европски прашања Маида Горчевиќ денеска во парламентот најави дека утре, на меѓувладина конференција, се очекува затворање уште две преговарачки поглавја.
Најавата се однесува на поглавјето 1 за слободно движење на стоки и поглавјето 12 за безбедност на храна, ветеринарна и фитосанитарна политика. Според министерката, Црна Гора досега има привремено затворени 21 од вкупно 33 поглавја.
Горчевиќ ја повтори целта преговорите да завршат до крајот на 2026 година. Таа нагласи дека натамошниот напредок зависи и од одлуките на членките на ЕУ, додека најавените две затворања треба да бидат потврдени на конференцијата.
